Bakının mərkəzində yeni təmir olunan yol çökdü: Təhlükə yarandı – FOTO - VİDEO

Paytaxtın Cəlil Məmmədquluzadə küçəsi ilə Nəsib bəy Yusifbəyli küçəsinin kəsişməsində yolda çökmə baş verib. Avtosfer.az-ın Oxu.az-a istinadən məlumatına görə, avtomobillərin intensiv hərəkət etdiyi ərazidə mövcud vəziyyət təhlükə yaradır. Yolun çökmüş hissəsində su axıntısının olduğu müşahidə edilir.

Qeyd edək ki, yolun sözügedən hissəsinin yeni təmir olunduğu görünsə də, görülən işin keyfiyyəti ilə bağlı suallar yaranır. Məsələ ilə bağlı aidiyyəti quruma sorğu ünvanlanıb.