Böyük Qayıdış: Köç karvanları Xankəndi, Xocalı və Ağdərəyə çatıblar

Növbəti köç karvanları Xocalı rayonunun Xanyurdu və Təzəbinə kəndlərinə, Xankəndi şəhərinin Kərkicahan qəsəbəsinə çatıb.

Avtosfer.az "Report"a istinadən xəbər verir ki, Böyük Qayıdış prosesi çərçivəsində doğma yurduna dönən ailələr Xocalı şəhərinə çatıb.

Qeyd edək ki, bu mərhələdə Xocalı rayonu Xanyurdu kəndinə altı ailənin (24 nəfər), Təzəbinə kəndinə səkkiz ailənin (41 nəfər), Xankəndi şəhəri Kərkicahan qəsəbəsinə beş ailənin (25 nəfər) daimi qayıdışı təmin edilib.

***12:33

Xankəndi şəhərinin Kərkicahan qəsəbəsinə, Xocalı rayonunun Xanyurdu, Təzəbinə və Ağdərə rayonunun Həsənriz kəndlərinə növbəti köç karvanı yola salınıb.

Avtosfer.az xəbər verir ki, bu mərhələdə Xankəndi şəhərinin Kərkicahan qəsəbəsinə 5 ailə - 25 nəfər, Xocalı rayonunun Xanyurdu kəndinə 6 ailə - 24 nəfər, Təzəbinə kəndinə 8 ailə - 41 nəfər, Ağdərə rayonunun Həsənriz kəndi isə 10 ailə - 52 nəfər daimi qayıdışı həyata keçirilir.

Bununla da ümumilikdə Xanyurdu kəndində 129 ailə (455 nəfər), Təzəbinə kəndinə isə 147 ailə (650 nəfər), Ağdərə rayonu Həsənriz kəndinə isə 724 ailə, (2718 nəfər) daimi qayıdışı təmin edilib.