Lökbatanda zülmətə qərq olan küçə: “Ayağımızın altını görmürük” - FOTOLAR

Bakının Qaradağ rayonu, Lökbatan qəsəbəsinin sakiniəri neçə gündür işıqlandırma problemi ilə üz-üzə qalıblar. Avtosfer.az xəbər verir ki, qəsəbənin 30-cu Lökbatan küçəsində artıq bir müddətdir ki, işıqlandırma yoxdur. 

Sakinlərin verdiyi məlumata görə, küçə boyunca işıq dirəkləri mövcud olsa da, hava qaraldıqdan sonra onların heç biri fəaliyyət göstərmir:

“Axşam saatlarında həm piyadaların, həm də sürücülərin hərəkəti çətinləşir. Nə işdən gələn, nə də dükana getmək istəyən ayağının altını görür. Yol örtüyünün bərbad olması, hərəkəti daha da çətinləşdirir” – deyə onlar bildiriblər.

Ümid edirik ki, aidiyyəti qurum insafa gəlib sakinləri bu problemdən xilas edər.

Namiq Musayev