"Qurdlar artıq binadan-binaya yayılırlar" - Sakinlərdən növbəti ŞİKAYƏT - VİDEO

Bakıda çoxmərtəbəli binaları qurd basıb.

Avtosfer.az xəbər verir ki, paytaxtın Nizami rayonu, Bəhruz Nuriyev küçəsi, 37 və 39 ünvanlarında yerləşən binalarda qurdların çoxalması sakinləri narahat edir.

Qonşuların sözlərinə görə, uzun müddətdir dezinfeksiya işləri aparılmadığından vəziyyət daha da pisləşib. Onlar bildiriblər ki, qurdlar artıq binadan-binaya yayılmağa başlayıblar və bu, sanitar vəziyyəti təhlükə altına salır.

Sakinlər qeyd ediblər ki, məsələdən dəfələrlə aidiyyəti qurumlara məlumat verilsə də, hələlik heç bir tədbir görülməyib.

Qeyd edək ki, Xətai rayonunda da oxşar vəziyyət müşahidə olunub.

Mövzu ilə bağlı daha ətraflı videomaterialı təqdim edirik: