ABŞ casus təyyarələrini Yaponiyaya yerləşdirdi

Amerika Yaponiyadakı Yokosuka hərbi bazasına “Qlobal Havk” pilotsuz casus təyyarələrini yerləşdirir. Avtosfer.az axar.az-a istinadən xəbər verir ki, bu barədə informasiyanı NHK televiziyası yayıb. Televiziya ilk belə təyyarənin dünən bazaya gətirildiyini bildirib. Daha 4 təyyarənin isə yaxın günlərdə gətiriləcəyi gözlənilir. Bu təyyarələr Yaponiyada oktyabra qədər qalacaq. Onların fəaliyyəti üçün Yokosuka bazasına 110 mütəxəssis gələcək. Bu təyyarələr Yaponiyada Şimali Koreyanın nüvə və raket proqramlarının izlənilməsi üçün yerləşdirilib. Qeyd edək ki, bu təyyarələr 16 min metr məsafədən müşahidə aparmaq imkanına sahibdirlər. Uçuşun maksimal müddəti 34 saatdır.