Qəbul imtahanına görə “Telegram” bloklandı

Hindistanda iyunun 22-dək “Telegram” mnesencerinə giriş məhdudlaşdırılıb. Məqsəd dələduzluğun qarşısını almaqdır.

Avtosfer.az xəbər verir ki, ayın 21-də ölkədə tibb fakültələrinə qəbul imtahanı keçiriləcək. Hindistanda tibb fakültələrinə imtahanlar mayda keçirilmişdi. Lakin sonradan sosial şəbəkədə imtahan suallaırnın sızdırılması ilə bağlı məlumatlar yayıldıqdan sonra nəticələr ləğv edilib. Bu da kütləvi iğtişaşlara səbəb olub.

Milli İmtahan Agentliyinin (NTA) məlumatına görə, dələduzlar bu platformadan abituryentləri aldatmaq üçün istifadə edirlər. İmtahan suallarını göndərmək adı ilə orta məktəb məzunlarından böyük miqdarda pul tələb edilir.

İndi 2,3 milyon abituriyent yenidən imtahan verməli olacaq. “Telegram” mesencerinin rəhbəri Pavel Durov bu addımı dələduzların deyil, 150 milyon istifadəçinin cəzalandırılması kimi xarakterizə edib. Durov əlavə edib ki, imtahanlarla bağlı yüzlərlə hesab bloklanıb. Dələduzlar işlərini başqa platformalarda davam etdirəcəklər.

Vüqar