Almanlar yeni teleskop kəşf etdilər - Dəyəri 90 milyon avro

Almanların yeni "eRosita" teleskopunun qiyməti 90 milyon avrodur. Avtosfer.az ölkə.az-a istinadən xəbər verir ki, yeni teleskop qalatikaların toplaşmasını, qara dəlikləri öyrənəcək və qara materiyanın mənşəyi barədə məlumatlar əldə edəcək. Teleskop "Spektr-RQ" adlı Rusiya-Avropa observatoriyası üçün nəzərdə tutulub. Layihənin rəhbəri Peter Predel jurnalistlərə bildirib ki, "eRosita"-nın dəyəri 90 milyon avrodur: "Teleskop sığortalanmayıb. Əgər ona bir şey olsa, məhv olacaq. Çünki yenisini hazırlamaq üçün 10 il vaxt lazımdır". Maks Plank Cəmiyyətinin səma fizikası institutu bu teleskop üzərində on il işləyib. 2013-cü ildən onun Rusiyaya təhvil verilməsi bir neçə dəfə təxirə salınıb.