Bu adam 3 ilə helikopter düzəltdi - VİDEO

Hindistanın Assam ştatında yaşayan bir gənc öz əl işi ilə hamını təəccübləndirib. Elmi savadı universitet səviyyəsində olmasa belə, hava nəqliyyatı vasitəsi düzəltməyə qərar verən  Saqar Şarma uşaqlıq arzusunu reallaşdıra bilib. Bu helikopteri ərsəyə gətirmək Saqarın 3 il vaxtını aparıb. Küçədən topladığı dəmir parçalarını bir-birinə qaynaq edən gənc,  kustar üsulla hazırladığı helikopterə  avtomobil mühərriki qoşub. Hələ sınaq mərhələsində olan helikopter dizellə işləyir.

Hindli gənc deyir ki, helikopterlə bağlı ictimaiyyətə nəqliyyat vasitəsinin 90 faizi hazır olanda məlumat verib. Xəbər ildırım sürəti ilə yayılıb və qonşu kəndin sakinləri də bu helikopteri görmək üçün Dimou kəndinə axın edib. Oturacaqları belə avtomobilə aid olan helikopterin uçuş sınağı isə qarşıdan gələn aylarda olacaq. Aviasiya rəsmilərinin ev şəraitində hazırlanan  və elmə əsaslanmayan helikopterin uçuşuna icazə verib verməyəcəyi də maraqla gözlənilir.

İstənilən halda avtomobil müharriki ilə həmin helikopteri uçurmaq mümkün olsa, bu, orta məktəb məzunu üçün əsl  sənaye inqilabı olacaq.

İslaminsesi