Dünyanın ən böyük amfibiya tipli təyyarəsi sınaqdan keçirildi - FOTO

Çində dünyanın ən böyük amfibiya tipli təyyarəsi sınaq uçuşunu uğurla yerinə yetirib. Avtosfer.az azərtac-a istinadən xəbər verir ki, istehsalçı şirkətin yaydığı məlumata görə, 37 metr uzunluğunda, qalxma zamanı maksimal kütləsi 53,5 ton olan “AG600” təyyarəsi Çinin cənubundakı Cuxay şəhərində uğurlu sınaq uçuşu keçirib. “AG600” xilasetmə işlərində, yanğına qarşı mübarizədə, su hövzələrində monitorinq və mühafizə işlərində istifadə olunacaq. İstehsalçı şirkət bu tip 17 təyyarənin satışına dair sifariş qəbul edib.