"Google"-un pilotsuz taksiləri Arizonada fəaliyyətə başladı - FOTO

"Alphabet" holdinqə məxsus "Waymo" şirkəti sərnişinlərini avtopilotlu maşınlarla sınaq rejimində daşımağa başlayıb. Avtosfer.az "ölkə.az"a istinadən xəbər verir ki, layihə Arizona ştatının Finiks şəhərində reallaşıb. Proqramda iştirak etmək könüllülərə təklif edilib. Xüsusi proqram vasitəsilə könüllülər kompüterlə idarə edilən "Waymo" avtomobili sifariş edərək gün ərzində onun xidmətindən pulsuz yararlana bilərlər. Layihədə neçə nəfərin iştirak etdiyi barədə məlumat verilmir. Könüllülər hələlik şəhərin bir neçə rayonu ərazisində hərəkət edirlər. "Waymo" mütəxəssisləri könüllülərin qeydləri əsasında avtomobili mükəmməlləşdirəcəklər. Pilotsuz avtomobildə hər ehtimala qarşı sürücü də var. Şirkətin qarajında 100 ədəd "Fiat Chrysler" mini furqonu var.