Panda formasında günəş elektrik stansiyası tikildi - FOTO

Çinin Şansi əyalətinin Datun şəhərinin yaxınlığında panda formasında günəş elektrik stansiyası tikilib. Avtosfer.az azərtac-a istinadən xəbər verir ki, stansiyanın inşasını "Panda Green Energy" şirkəti həyata keçirib. Elektrik stansiyası ağ-qara elementlərdən ibarətdir. Hazırda elektrik stansiyasının gücü 50 meqavat təşkil edir, gələcəkdə 100 meqavata çatacağı planlaşdırılır. Stansiya tam işə salındıqdan sonra saatda 3,2 milyard kilovat enerji istehsal edəcək. Bildirilir ki, elektrik stansiyasının nəzdində gənclər üçün təlim mərkəzi yaradılacaq və günəş enerjisinin üstünlükləri barədə şagirdlərə məlumat veriləcək. "Panda Green Energy" daha bir neçə belə stansiya tikmək niyyətindədir.