Prezidentin 80 milyon dollarlıq təyyarəsi - FOTO

Çeçenistan lideri Ramzan Kadırov dünyanın ən bahalı təyyarələrindən birində uçur. Avtosfer.az-ın istipress-ə istinadən verdiyi məlumata görə, onun hava gəmisinin qiyməti 80 milyon dollardır. Bu iddia ilə "Dojd" telekanalı çıxış edib.  Təyyarənin fotosunu öz "İnstagram" hesabında repper Timati yerləşdirib. "Airbus ACJ319" biznes jetinin dizaynı da fərdi qaydada həyata keçirilib.  İllik gəliri 4-6 milyon rubl olan Kadırov özü isə bu barədə xəbərləri təkzib edir. Lakin onun və ailə üzvlərinin müntəzəm olaraq təyyarədə çəkilən fotolarını təhlil etdikdə dövlət başçısının məhz adıçəkilən biznes jetlə uçduğunu demək olar.