Qatarların maşinistsiz hərəkət edəcəyi ilk metro xətti yaradılacaq

Bu il Pekində maşinistsiz fəaliyyət göstərəcək ilk metro xətti açılacaq. Avtosfer.az-ın salamnews-a istinadla verdiyi xəbərə görə, bunu Ev tikintisi və şəhərlə kənd arasında əlaqələr üzrə Pekin bələdiyyə komissiyasının nümayəndəsi bildirib. “Bu, Çinin quru hissəsində hərəkət edəcək tam olaraq yerli istehsal olan ilk avtomatik metropoliten xətti olacaq”, - deyə nümayəndə söyləyib.  Avtomatik rejimdə çalışacaq qatarlar şəhərin mərkəzini şəhərətrafı Fanşan qəzası ilə birləşdirən 16,6 km-lik “Yanfan” xətti üzrə hərəkət edəcək. Hazırda dəmiryol xəttində müasirləşdirmə işləri aparılır.