Rusiyalı milyarder lüks yaxta alıb - FOTO

Rusiyanın "Severstal" korporasiyasının sahibi, iş adamı Aleksey Mordaşov "Lady M" adlı superyaxta inşa etdirib. Avtosfer.az milli.az-a istinadən bildirir ki, 65 metr uzunluğundakı yaxta hazırda Şotlandiyadakı Qrinok şəhərində, "James Watt Dock Marina"dadır. Yaxtanın burnunda 1,8 metrlik yaquar var. Bu yaquar fiquru alüminiumdan hazırlanıb. Hovuzu, cakuzisi, fitnes zalı və helikopter meydançası olan lüks yaxtanın dəyəri 62 milyon dollardır. 14 nəfərlik heyətə malik "Lady M" 12 sərnişin üçün nəzərdə tutulub. A.Mordaşov 17,5 milyard dollarlıq varidat sahibidir.