Türk ordusuna robot əsgərlər gəlir

Elm, sənaye və texnologiya naziri Faruk Özlü “Cəmiyyətin ən əhəmiyyətli vəzifələrindən biri olan müdafiə xidmətlərində robot əsgərlərdən istifadə ediləcək günlər uzaqda deyil” deyə açıqlama verib. Avtosfer.az Türkiyə mediasına istinadən xəbər verir ki, Faruk Özlü “Microsoft Ankara Zirvəsi”ndə iştirak edib. Əvvəlcə stendləri gəzən nazir daha sonra “Microsoft” tərəfindən inkişaf etdirilmiş “Hololens” eynəyini taxıb. Nazirliyin bir çox yeniliklərindən danışan Faruk Özlü Türkiyə ordusuna robot əsgərlərin gətiriləcəyindən də bəhs edib. “Cəmiyyətin ən kritik vəzifələrindən biri olan müdafiə xidmətlərində robot əsgərlərdən istifadə ediləcək günlər uzaq deyil” deyən nazir bunları bildirib: “Hər şeyin texnologiya ilə əvəzlənməsi qarşımıza qoydumuz əsas məqsədlərimizdəndir. Bunu mütləq bacarmalıyıq. Texnologiyanın inkişafının faydalarını hamı çox gözəl bilir. Lakin bunun ictimai xidmətlərdə, xüsusilə də orduda böyük əhəmiyyəti var. İstehsal edəcəklərimiz bir anlıq olmamalıdır. Texnologiyanın inkişaf etdiyi hazırki dövrdə köhnə texnologiyaya maddi vəsait ayırmaq lazım deyil. İstehsal edəcəyimiz əsgər robot modellər isə daha müasir və gərəkli olmalıdır”.“a24.az”