"Azərbaycan Qran-prisi yarışmaqdan zövq aldığım mərhələlərdən biridir" - Şarl Lekler

"Azərbaycan Qran-prisi yarışmaqdan zövq aldığım mərhələlərdən biridir".

Avtosfer.az xəbər verir ki, bunu "Formula-1" Azərbaycan Qran-prisi öncəsi təşkil olunan mətbuat konfransında "Ferrari" komandasının pilotu Şarl Lekler deyib.

Monakolu pilot Bakıda keçirilən sıralama turlarında adətən yaxşı nəticələr göstərdiyini, lakin əsas yarışlarda eyni uğuru təkrarlamağın çətin olduğunu bildirib:

"Burada sıralama turları mənim üçün hər zaman yaxşı alınıb. Lakin əsas yarışlarda vəziyyət bir qədər fərqli olub və daha çox çətinliklə üzləşmişik. Ümid edirəm ki, bu dəfə bunu dəyişə biləcəyik. Həm mən, həm də komanda yoldaşım qələbə qazanmaq istəyirik. Aramızda təbii ki, rəqabət mövcuddur. Bununla belə, ən vacib məqsədimiz komanda olaraq qalib gəlməkdir. Bu, bizim əsas prioritetlərimizdən biridir".

Qeyd edək ki, "Formula-1" Azərbaycan Qran-prisi sentyabrın 24-26-da Bakı Şəhər Halqasında keçiriləcək.