Ferstappen "Formula-1"dən ayrılacağının mümkünlüyü bildirdi

Dördqat və hazırkı dünya çempionu, "Red Bull" pilotu Maks Ferstappen karyerasını başa vurması ehtimalı barədə danışıb.

Avtosfer.az xəbər verir ki, bu barədə "PA Media" məlumat yayıb.

"Müqaviləm 2028-ci ilə qədərdir, amma bütün gələcəyim 2026-cı ilin yeni qaydalarından və onların nə qədər maraqlı olacağından asılıdır. Yeni maşınları sürmək maraqlı deyilsə, özümü yarışlarda görmürəm. Yeddi titul qazanmaq məqsədim yoxdur. Müqaviləmin bitməsinə üç mövsüm qalıb, ona görə də bu mümkündür. Sabah asanlıqla karyeramı başa vura bilərəm.

Həyatda başqa maraqlarım, digər yarış seriyalarım var, ailəmlə daha çox vaxt keçirmək və öz həyatımı yaşamaq istəyirəm. Başa düşürəm ki, bu fəsil mütləq bağlanacaq. Ayrıldıqdan sonra bir daha geri qayıtmağı düşünmürəm. Əgər dayansam, dayanacağam", - deyə Ferstappen bildirib.