"Formula-1"in Bakıdakı 10-cu yubileyində rekord sayda xarici turist qeydə alınıb

"Formula-1" üzrə Azərbaycan Qran-prisinin 10-cu yubileyində Bakıya gələn xarici turistlərin sayı rekord həddə çatıb.

Avtosfer.az xəbər verir ki, yarışın 10-cu illiyində Azərbaycan paytaxtına gələn xarici qonaqların sayı 16 mini ötüb.

Bu, "Formula-1"in Bakıda keçirildiyi dövr ərzində qeydə alınan ən yüksək göstəricidir. Ötən il Azərbaycan Qran-prisini izləmək üçün Bakıya 14 min xarici qonaq gəlib.

Yarışa beynəlxalq marağın artması bilet satışlarında da özünü göstərib. Belə ki, 2026-cı il Azərbaycan Qran-prisinin biletləri 120-dən çox ölkədən olan azarkeşlər tərəfindən alınıb.