Bakıda vəzifəli şəxsin ölümü ilə bağlı ŞOK FAKTLAR: 16 yaşlı sürücü və... - FOTO

Dekabrın 21-də axşam saatlarında Bakı şəhər Xətai rayonu Nobel prospektində baş vermiş dəhşətli yol qəzasını törətmiş şəxslə bağlı yeni faktlar üzə çıxıb. Avtosfer.az xəbər verir ki, publika.az-ın əldə etdiyi məlumata görə, həmin gün saat 19 radələrində Xətai rayonu Nobel prospektində “Nissan” markalı avtomobillə 1981-ci il təvəllüdlü Süleymanlı Ləman Rafiq qızını vurub öldürən Qurbanov Qurbanəli Eyyub oğlunun sürücülük vəsiqəsi olmayıb. Belə ki, 2002-ci ildə anadan olmuş Q.Qurbanov vəsiqəsi olmada minik avtomobili idarə edirmiş və piyada keçidindən keçən Ləmanı vurub.

Qeyd edək ki, hadisədə vəfat edən Ləman Süleymanlı “AzərTürkBank”da şöbə rəisi vəzifəsini tuturmuş. Hadisə o, işdən evə qayıdarkən baş verib. L.Süleymanlı ölümündən 3 gün əvvəl sosial şəbəkədə sonuncu dəfə cizgi filmi fraqmenti paylaşaraq “böyümək istəmirəm, mənə uşaqlığımı qaytarın”, cümləsini yayıb.

Qəzanı törədən şəxs hadisə yerindən qaçıb. Bakı şəhər BPİ Təhlükəsiz Şəhər Xidməti və Xətai RPİ 37-ci PŞ əməkdaşlarının keçirdikləri əməliyyat tədbirləri Qurbanəli Qurbanov olması müəyyən edilib və o tutulub.

Dəhşətli hadisədə vəfat edən Ləmanın bəzi fotolarını təqdim edirik.