8 Noyabr prospektində sürücülər nişanı saymayıb yolayrıcında xaos yaradırlar - VİDEO

Paytaxtın 8 Noyabr prospektinin Xəqani Rüstəmov küçəsi ilə kəsişməsində sürücülər yol nişanının tələbini pozaraq sola dönürlər.

Bu barədə izləyicilərdən biri Avtosfer.az-ın  “WhatsApp” ünvanına ətraflı məlumat göndərib.

Şikayətçinin sözlərinə görə, sürücülər Ağ Şəhər bulvarına getmək üçün Ağ Şəhər dairəsinə qədər irəliləməli, oradan dönərək geri qayıtmalıdırlar. Sözügedən yolayrıcından birbaşa sola dönməyi qadağan edən “Düzünə hərəkət” (4.1.1) yol nişanı da bir neçə yerdə quraşdırılıb.

Lakin günün pik saatlarında bəzi sürücülər yolu uzatmamaq üçün sol zolaqdan geriyə manevr edərək nişanın tələbini pozurlar. Bu isə düzünə hərəkət edən digər avtomobillərin qarşısında maneə yaradır, nəqliyyatın hərəkətini ləngidir.

Şikayətçi aidiyyəti qurumlardan bu halların qarşısının alınması üçün tədbir görülməsini xahiş edir.

Nərmin