Məhəmmədi sakinləri bu yoldan narazıdır: Qurumlar uzun müddətdir reaksiya vermir - VİDEO

Son illər ölkənin, xüsusən də Abşeron yarımadasının yol infrastrukturunun inkişafı istiqamətində önəmli addımlar atılır. Bunlardan biri də ötən ay açılışı baş tutan Böyükşor-Pirşağı yolunun tamamilə yenilənməsidir. Yeni və geniş yol nə qədər standartlara uyğun tikilsə belə, ərazidə yaşayan vətəndaşlar üçün problem çıxaran məsələlər də yaranıb.

Avtosfer.az xəbər verir ki, Abşeron rayonu Məhəmmədi qəsəbəsi ərazisində yaşayan sakinlər yeni yolun ətrafında yaranan vəziyyətdən narazılıq ediblər.

Belə ki, magistral yolun 200 metrliyində yaşadıqlarını deyən sakinlər əvvəllər şəhər istiqamətində hərəkət edə bilmək üçün yolun qarşı tərəfinə keçərək taksi, yaxud hansısa nəqliyyat vasitəsinə minə bilirdilər. İndiki halda ərazidə çəpərləmə işləri aparıldığı və yerüstü, yaxud “zebra” təşkil edilmədiyinə görə yoldan istifadə edə bilmək üçün uzun məsafə qət etməli olurlar.

Sakinlər deyir ki, 200 metrlik yolun qarşısında çəpərlər var və buna görə də, yolun digər tərəfinə keçmək üçün 3-4 kilometr məsafəni getməyə məcburdurlar. Üstəlik, yaşayış yerinin yaxınlığında  piyada keçidi dı yoxdur.

Məhəmmədi sakinlərinin redaksiyamızın sosial şəbəkə hesabına göndərilən həmin videonu sizə təqdim edirik:

Səfər