Yasamala quraşdırılmış bu nişana heç kim əməl etmir: Səbəbi budur - VİDEO

Bakıda hərəkətin təşkilinə edilmiş dəyişiklikdən bir çox sürücünün xəbəri yoxdur.

Avtosfer.az xəbər verir ki, bir müddət əvvəl paytaxtın Nazim Hikmət küçəsində hərəkətin təşkilinə dəyişiklik edilərək həmin ərazidə geriyə dönmə qadağan olunub. Bununla əlaqədar müvafiq yol nişanı da quraşdırılıb.

Lakin bəzi sürücülər dəyişiklikdən xəbərsiz olduqları üçün qaydaları pozmağa davam edirlər. Buna səbəb isə təkcə diqqətsizlik deyil. Belə ki, videodan da göründüyü kimi, geriyə dönməni qadağan edən yol nişanı ağacın arxasında qaldığından sürücülər onu rahat şəkildə görə bilmirlər.

Qanunvericiliyə görə, nişan elə yerdə quraşdırılmalıdır ki, sürücülər onu vaxtından əvvəl görüb qavraya bilsinlər.

Ümid edirik ki, hərəkətin təşkili ilə məşğul olan qurumlar tez bir zamanda yaranmış problemi aradan qaldıracaq.

Fərid