Yasamaldakı əsas küçədə bu səbəbdən qəza şəraiti yaranır – FOTOSESSİYA - VİDEO

Paytaxtın əhali sıxlığı daha çox müşahidə edilən ərazilərində piyada zolaqlarının təşkili ilə bağlı problemlər hələ də sakinləri narahat edir.

Avtosfer.az xəbər verir ki, Bakının Yasamal rayonunda “zebra”ların yenilənməməsi ərazidə yaşayan vətəndaşlarda narazılıq yaradıb.

Belə ki, rayonun Kamal Rəhimov küçəsində bir ümddət əvvəl yekunlaşan asfalt örtüyünün yenilənməsi işlərindən sonra ərazidə nişanlama və xətləmə işləri aparılmayıb. Bu vəziyyət isə sürücülər və piyadalar üçün çətinliklər yaradır, həmçinin  yol hərəkətinin təhlükəsizliyinə də mənfi təsir göstərir.

Eyni zamanda, Abbas Mirzə Şərifzadə küçəsinin 3 saylı Bakı ASAN Xidmətə doğru gedən istiqamətdə piyada keçidləri ilə bağlı da bənzər problemlər müşahidə edilir. Burada da yol xətləri pozulub yenidən nişanlanma işlərinin aparılmasına ehtiyac var. Ərazidəki vəziyyətin görüntüləri sosial şəbəkələrdə müzakirələrə səbəb olub.

Bu küçənin rayonun əsas yollarından biri olması, hər gün minlərlə nəqliyyat vasitəsinin və sərnişinin bu yoldan istifadə etməsi vəziyyəti daha kritik edir. Sakinlər isə “zebra”ların çəkilməməsi, yaxud silinməsi səbəbilə avtomobillərin bir çox hallarda onlara yol verməməsindən şikayət edir.

Həmin videonu sizə təqdim edirik:

Fidan