Nərimanovda keçiddən istifadə etməyən piyadalara XƏBƏRDARLIQ EDİLDİ - VİDEO

Nərimanov rayon Polis İdarəsinin Dövlət Yol Polisi Şöbəsinin əməkdaşları rayon ərazisində piyadalarla bağlı maarifləndirici tədbir həyata keçirib. Avtosfer.az xəbər verir ki, tədbir əsasən rayonun Təbriz küçəsində təşkil olunub. Piyada zolağı və yeraltı keçid olduğu halda həyatını təhlükəyə ataraq haradan gəldi yolu keçən piyadalarla söhbət aparılıb.

DYP əməkdaşları tərəfindən piyada keçidlərindən istifadə etməyən şəxslərin maarifləndirilməsi məqsədilə nəzarət tədbirləri gücləndirilib. Rayonun müxtəlif küçə və prospektlərində piyadaların təhlükəsizliyini təmin etmək, bu istiqamətdə maarifləndirmə işini gücləndirmək, vətəndaşlar arasında təbliğat işinin aparılması da tədbir zamanı yol polislərinin diqqət mərkəzində olub.

Həmçinin piyadalar yol-hərəkəti qaydalarını pozduqları üçün saxlanılıb. Onların hər biri ilə maarifləndirici söhbətlər aparılıb, “Yol-hərəkəti haqqında” Qanunun tələbləri, piyadaların hüquq və vəzifələri barədə məlumatlar verilib.

Səfər