Övladını xəstəxanaya çatdırmağa çalışan vətəndaşın köməyinə yol polisi çatdı - VİDEO

İyulun 2-də Azərbaycan Polisi Günü ərəfəsində paytaxtda polis əməkdaşları tərəfindən nümunəvi bir addım atılıb.

Avtosfer.az xəbər verir ki, bir vətəndaş azyaşlı övladını təcili şəkildə Qarayev adına 2 saylı Uşaq Klinik Xəstəxanasına çatdırmalı olub. Lakin yolların tıxac olması bu prosesi çətinləşdirib.

Sürücü ərazidə xidmət aparan YPX əməkdaşlarına müraciət edib. Polis əməkdaşları vəziyyəti dərhal dəyərləndirərək vətəndaşın avtomobilini xüsusi müşayiətlə sıx hərəkətli yollardan keçirərək xəstəxanaya çatdırıblar.

Vətəndaş göstərilən bu dəstəyə görə polis əməkdaşlarına təşəkkürünü bildirib və hadisəni özünün sosial şəbəkə hesabında da paylaşaraq hüquq-mühafizə orqanlarının bu humanist davranışını təqdirəlayiq hal kimi təqdim edib.

Eltac Zülfüqaroğlu