Şirvanda dələduzluq edən 61 yaşlı kişi həbs olundu - FOTO

Şirvan şəhərində dələduzluq edən şəxs müəyyən olunub.

Avtosfer.az-ın məlumatına görə, Şirvan Şəhər Polis Şöbəsinin əməkdaşlarının həyata keçirdikləri tədbirlər nəticəsində vətəndaşların etibarından sui-istifadə edərək onlara qarşı dələduzluq edən Göygöl rayon sakini, 61 yaşlı Altay İsmayılov saxlanılıb. Adıçəkilən şəxs vətəndaşlara dövlət qurumlarına müxtəlif vəzifələrə işə düzəldəcəyi, eləcə də övladlarını özəl təhsil müəssisələrində təhsil almalarına köməkliklər göstərəcəyi barədə yalan vədlər verərək onların müxtəlif məbləğlərdə pulunu dələduzluq yolu ilə ələ keçirib.

Faktla bağlı cinayət işi başlanılıb, saxlanılan şəxs barəsində həbs qətimkan tədbiri seçilib. 

A.İsmayılovun qanunsuz əməllərindən zərər çəkmiş başqa şəxslər varsa bu barədə polisə məlumat verə bilərlər.