Yolu bilməyən vətəndaşa post-patrul əməkdaşları kömək etdi - VİDEO

Azərbaycanda polis əməkdaşları növbəti dəfə vətəndaşlara yardım göstərərək nümunəvi davranış sərgiləyiblər. 

Avtosfer.az xəbər verir ki, sosial şəbəkələrdə yayılan görüntülərdə, avtomobillə hərəkət edən vətəndaşlar istiqaməti itirdikləri üçün çətin vəziyyətdə qalıblar. Bu zaman hadisə yerindən keçən 77-PJ-664 dövlət nömrə nişanlı post-patrul xidməti avtomobilindəki polis əməkdaşları onlara yardım edərək, düzgün istiqaməti göstəriblər.

Vətəndaşların avtomobilinin texniki nasazlıq və ya digər problem yaşamadığı, sadəcə yolun istiqamətini qarışdırdığı bildirilir. Polis əməkdaşları onların narahatlığına son qoyaraq, təyinat nöqtəsinə necə çatmalarını izah ediblər.

Hadisə vətəndaşlar tərəfindən məmnunluqla qarşılanıb və bu nümunə bir daha göstərib ki, polis yalnız təhlükəsizliyi yox, eyni zamanda mənzil başına rahatlıqla çatmalarını da diqqətdə saxlayır.

Eltac Zülfüqaroğlu