Bu ərazidə yolun yaş olması təhlükə yaradır – Yük maşını az qala qəzaya düşəcəkdi - VİDEO

Paytaxtın Sabunçu rayonu, Böyükşor bulvarı yaxınlığında yerləşən tuneldə təhlükəli vəziyyət müşahidə olunub.

Bu barədə Avtosfer.az-ın qaynar xəttinə görüntü göndərən izləyici məlumat verib.

Kadrlardan görünür ki, 77-SE-301 dövlət qeydiyyat nişanlı “Mercedes Atego” markalı yük avtomobili tuneldən çıxarkən sürüşmə ilə üzləşib. Avtomobilin təkərləri yolun sürüşkən səthi səbəbindən idarəetməni itirmək həddinə çatıb və yük maşını tunelin divarına çırpılmaq təhlükəsi ilə üz-üzə qalıb. Lakin sürücü idarəetməni itirməyərək qəzanın qarşısını ala bilib.

Videonu göndərən şəxsin sözlərinə görə, həmin tuneldə yolun asfalt örtüyü demək olar ki, daim yaş olur. Bunun hansı səbəbdən baş verdiyi məlum deyil. İzləyici bildirir ki, məhz bu səbəbdən həmin ərazidə dəfələrlə yol-nəqliyyat hadisələri qeydə alınıb və sürücülər üçün ciddi təhlükə yaranır.

Qeyd edək ki, saytımızda daha əvvəl sözügedən tunelin çıxışında baş vermiş yol-nəqliyyat hadisələri barədə dəfələrlə məlumat yayıb. 

Nərmin