Bu şəxsi görənlər diqqətli olsun: Dələduzluqla məşğuldur - VİDEO - FOTO

Dələduzluq hadisəsi ilə üzləşən şəxs sosial şəbəkə vasitəsilə digər aldanan insanlara səslənib.

Zərərçəkmiş bildirir ki, dələduzluq edən müştərisi ondan nağd pul istəyib və qarşılığında həmin məbləği karta göndərəcəyini bildirib. O, buna razı olduqdan sonra vəsaitin hesabına daxil olmadığını müəyyən edib. Qarşı tərəf əvvəlcə pulun köçürülməməsini "Rabitəbank"da yaranmış texniki problemlə əlaqələndirib. Zərərçəkmiş həmin gün (sentyabrın 6-da) bankda köçürmələrlə bağlı problem olduğunu öyrəndiyini qeyd edib. Lakin növbəti gün bankdakı problemin aradan qalxmasına baxmayaraq, vəsaitin onun hesabına köçürülmədiyini görüb. O, bir neçə dəfə qarşı tərəflə əlaqə saxlamağa çalışdığını, ödənişə dair qəbz tələb etdiyini, lakin qəbzin ona təqdim edilmədiyini bildirib.

Paylaşımda qarşı tərəfin özünü “Fuad” adı ilə təqdim etdiyi, daha sonra isə zərərçəkmişin zəng və mesajlarına cavab vermədiyi qeyd olunub. Zərərçəkmiş hadisə ilə bağlı Daxili İşlər Nazirliyinə müraciət etdiyini və aidiyyəti üzrə məlumat verdiyini bildirib.

Həmçinin eyni ssenari üzrə başqa şəxslərin də zərər çəkdiyini iddia edib.

Bundan başqa, zərərçəkmişə analoji hadisələrlə bağlı foto və videoların digər şəxslər tərəfindən göndərildiyi bildirilib.

Fərid