Dayanacaqda yer tapa bilməyən taksi sürücüsü parkinqə üz tutdu - VİDEO

Paytaxtın Səbail rayonu, Nigar Rəfibəyli küçəsində taksi dayanacağının zəbt edildiyi iddia olunur.

Avtosfer.az-a müraciət edən taksi fəaliyyəti ilə məşğul olan sürücülərdən biri hadisə ilə bağlı “WhatsApp” vasitəsilə video göndərib.

Şikayətçinin sözlərinə görə, taksi fəaliyyəti üçün nəzərdə tutulan dayanacağın ərazisində qanunsuz sərnişindaşıma ilə məşğul olan sürücülər avtomobillərini taksi tanınma nişanının təsir sahəsində saxlayırlar. Bu səbəbdən digər taksi sürücüləri dayanacaqdan istifadə edə bilmirlər.

Sürücü bildirib ki, dayanacaqdan istifadə edə bilmədiyi üçün nəqliyyat vasitəsini ödənişli parklanma yerində saxlamaq məcburiyyətində qalıb. O, qısa müddət ərzində həmin əraziyə üç dəfə yaxınlaşdığını və hər dəfə eyni mənzərə ilə qarşılaşdığını qeyd edib.

Şikayətçinin iddiasına əsasən, dayanacağı zəbt edən sürücülərin əksəriyyətində qanunvericiliyin tələb etdiyi müvafiq icazə sənədi və buraxılış kartı da yoxdur.

Nərmin