Əks yola çıxıb qarşıdan gələn sürücüyə qorxulu anlar yaşatdı - 90-OG-543 - VİDEO

Şamaxı rayonu, Dəmirçi yolunda kobud qayda pozan sürücü kameraya düşüb.

Avtosfer.az-ın məlumatına görə, hadisə avqustun 8-də səhər saatlarında qeydə alınıb. Kadrlardan görünür ki, sıxlıq yaranan yolda 90-OG-543 dövlət nömrə nişanlı “VAZ-2107” markalı avtomobilin sürücüsü bütöv xəttin tələbinə məhəl qoymayaraq əks istiqamətli hərəkət zolağına çıxıb.

Sürücü bu manevrlə qarşıdan gələn nəqliyyat vasitəsinə qəza şəraiti yaradıb.

Ardınca “Opel” markalı avtomobilin sürücüsü də əks yola çıxıb. Lakin o, qarşıdan gələn nəqliyyat vasitəsini gördükdən sonra yenidən öz hərəkət zolağına qayıdıb.

Xatırladaq ki, qanunvericiliyə əsasən, bütöv üfüqi nişanlanma xəttini kəsərək əks istiqamətli hərəkət zolağına çıxmaq qadağandır.

Bu manevr sürücüləri çox vaxt təhlükə qarşısında qoyur və inzibati məsuliyyət yaradır.

Nərmin