Hökməli–Qobu–Güzdək yolunda bərbad vəziyyət: Sakinlər narazıdır – VİDEO

Hökməli–Qobu–Güzdək avtomobil yolunun mövcud vəziyyəti ərazidə yaşayan sakinlərin narazılığına səbəb olub.

Avtosfer.az xəbər verir ki, sakinlərdən biri yolun vəziyyətini əks etdirən video görüntüləri çəkərək sosial şəbəkədə paylaşıb. Görüntülərdə yolun ayrı-ayrı hissələrində örtüyün deformasiyaya uğradığı, çalaların və nahamarlıqların yarandığı müşahidə olunur.

Sakin bildirib ki, yol uzun müddətdir bu vəziyyətdədir və ərazidən istifadə edən sürücülər üçün ciddi çətinliklər yaradır. Onun sözlərinə görə, xüsusilə yağışlı havalarda yolda hərəkət daha da çətinləşir.

Sakin aidiyyəti qurumlara müraciət edərək Hökməli–Qobu–Güzdək avtomobil yolunun vəziyyətinin qiymətləndirilməsini və təmir işlərinin aparılmasını xahiş edib.

Eltac Zülfüqaroğlu