Hövsanın mərkəzi yolunda asfalt çökür; qurumlar nəyi gözləyir? – APARICI ŞİKAYƏT ETDİ - VİDEO

Bakının Suraxanı rayonunda yol infrastrukturunda yaşanan problem sürücülərin narazılığına səbəb olub. Avtosfer.az xəbər verir ki, bu barədə radio aparıcısı DJ Tural Yusifov video çəkərək özünün sosial şəbəkə hesabında paylaşım edib.
Videoda qeyd olunur ki, rayonun Hövsan qəsəbəsi Elçin Məmmədov küçəsində iki nöqtədə asfalt örtüyü sürücülərə çətinlik yaradır. Yol örtüyündəki bu qüsurlar nəqliyyat vasitələrinin çökəyə düşməsinə və texniki nasazlıqlara səbəb ola bilər. Aparıcı videoda qeyd edir ki, "görünür, bu çökəklik tam çöküb avtomobil batandan sonra məsul qurumlar məsələni araşdıracaq".
Vətəndaşlar həmçinin bildiriblər ki, bu cür asfalt problemləri yalnız Elçin Məmmədov küçəsi ilə məhdudlaşmır, rayonun digər yollarında da bənzər vəziyyət müşahidə olunur. Onların sözlərinə görə, indiyədək məsələ ilə bağlı heç bir rəsmi qurum tədbir görməyib və bu da ərazidə ağır qəza risklərini daha da artırır.

Fidan