Kobud qayda pozan “KamAZ” sürücüsü ağır qəzadan son anda yayındı - VİDEO

Paytaxtın Qaradağ rayonu, Qızıldaş qəsəbəsində kobud qayda pozan sürücü kameraya düşüb.

Avtosfer.az-ın məlumatına görə, hadisə sentyabrın 1-də saat 07:50 radələrində qeydə alınıb.

Kadrlardan göründüyü kimi, 36-BL-258 dövlət nömrə nişanlı “KamAZ” markalı yük maşınının sürücüsü qarşısında hərəkətdə olan nəqliyyat vasitəsini ötmək üçün bütöv xəttin tələbini pozaraq əks istiqamətli hərəkət zolağına çıxıb. Bu zaman o, qarşıdan gələn avtomobilin hərəkət trayektoriyasına daxil olaraq qəza təhlükəsi yaradıb.

Görüntülərdən də aydın olur ki, “KamAZ” qarşıdan gələn avtomobillə toqquşmadan son anda yayına bilib.

Qeyd edək ki, belə manevrlər qanunun tələblərinə zidd olmaqla yanaşı, qarşıdan gələn nəqliyyat vasitələrinin hərəkətinə ciddi təhlükə yaradır. Ötmə zamanı yol nişanlanmasının tələblərinə əməl olunması və manevrin yalnız təhlükəsiz şəraitdə həyata keçirilməsi tələb olunur.

Nərmin