Maşını görə-görə yola qaçan oğlan qəzanın bir addımlığından döndü; yerə yıxıldı - VİDEO

Paytaxtın “Koroğlu” metrosunun yaxınlığında baş vermiş təhlükəli anlar avtomobilin kamerasına yansıyıb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Belə ki, yolu piyada keçidindən keçən gənc oğlan hərəkətdə olan maşına çırpılmaqdan son anda xilas olub. Kadra diqqətlə baxsaq piyadanın diqqətsiz şəkildə yolu keçdiyini görərik. İşin qəribə tərəfi isə onun sol tərəfdən gələn avtomobili görməsinə baxmayaraq yolu qaçması olub. Qəzanın bir addımlığından dönən piyada yerə yıxılıb və ayaqlarından yüngül xəsarət alıb. Daha sonra yaxınlıqdakı vətəndaşlar ona yardım göstəriblər. 

Qeyd edək ki, hər bir piyada keçiddən keçməzdən əvvəl yolun hər iki tərəfinə diqqət etməlidir. Yaxınlaşmaqda olan maşın varsa onun dayandığına əmin olduqdan sonra yolu keçməlidir. Eyni zamanda keçidə yaxınlaşan sürücü də sürət həddini endirməli və keçiddən keçən piyadaya yol verməlidir. 

Nərmin