Moped sürən gənc yolun ortasında rəqs edib “şou” göstərdi - VİDEO

Son vaxtlar paytaxt və ətraf ərazilərdə moped və motosiklet sürücülərinin təhlükəli hərəkətləri ilə bağlı görüntülərin sayı artmaqdadır. Xüsusilə gənclər arasında nəqliyyat vasitələri ilə “şou” xarakterli riskli manevrlər etməyə meyl həm özlərinin, həm də digər hərəkət iştirakçılarının həyatını təhlükə altına atır.

Belə oxşar hadisə Bakı-Sumqayıt yolunda qeydə alınıb.

Avtosfer.az-ın məlumatına görə, olay mayın 14-də saat 22:25 radələrində baş verib. Kadrlardan görünür ki, gənc oğlan idarə etdiyi mopedlə yolun hərəkət hissəsində təhlükəli hərəkətlər edib. O, nəqliyyat vasitəsini sağa-sola yönəldərək rəqs edib, daha sonra hər iki əlini sükandan çəkib. Sürücü bir müddət sonra isə nəqliyyat vasitəsini yalnız bir əllə sürməyə davam edir.

Hərəkətin intensiv olduğu yolda edilən bu cür məsuliyyətsiz davranışlar ciddi yol-nəqliyyat hadisələrinə səbəb ola bilər.

Bir sözlə, moped və motosiklet sürücüləri idarəetmə zamanı qoruyucu vasitələrdən istifadə etməli, həm özlərinin, həm də hərəkət iştirakçılarının təhlükəsizliyini nəzərə alaraq sükan arxasında risk yaradan manevrlərdən çəkinməlidirlər.

Nərmin