Moped sürücüsü qaydaları saymadı; ciddi təhlükə yaradırlar - VİDEO

Paytaxtın Nizami rayonu, Babək prospektində sürücü ikitəkərli nəqliyyat vasitəsi ilə yol hərəkəti qaydalarını pozub.

Avtosfer.az xəbər verir ki, sürücünün mopedi qaydalara zidd şəkildə idarə etməsi qəza riskinə səbəb olub. Görüntülər göstərir ki, bir neçə dəqiqə qabağa düşmək məqsədilə yol verilən bu qayda pozuntusu sürücünün həm özü, həm də digər hərəkət iştirakçıları üçün təhlükə yaradıb. Sürücü bu videoda həm əks istiqamətdə hərəkət edir, həm də piyada keçidindən düzgün istifadə etmir. Bu cür hallarda bəzən ağır qəzalar baş versə də, bəzi sürücülərə dərs olmur.

Sürücülər bilməlidir ki, qaydalar hər kəs üçün eynidir, qaydaların pozulması isə yollarda qəza şəraitinin yaranmasına və ağır nəticələrə səbəb ola bilər.

Səfər