Mübahisə edən cütlüyün avtomobili binaya çırpıldı - Ər öldü, arvad xəsarət aldı - VİDEO

Avtomobildə mübahisə edən cütlük ağır qəzaya düşüb. Avtosfer.az xəbər verir ki, Rusiyanın Arxangelsk vilayətində baş verən hadisənin görüntüləri kamera tərəfindən qeydə alınıb. Məlumata görə, hərəkətdə olan avtomobildə cütlük arasında mübahisə düşüb. Emosiyalarına hakim ola bilməyən kişi sürücü yüksək sürətlə idarə etdiyi nəqliyyat vasitəsinə nəzarəti itirib. Nəticədə avtomobil yoldan çıxaraq yaşayış binasına çırpılıb. Zərbənin təsirindən ağır xəsarətlər alan sürücü hadisə yerində dünyasını dəyişib. Avtomobildə olan qadın sərnişin isə xəsarətlərlə xəstəxanaya çatdırılıb. Onun vəziyyətinin kritik olduğu bildirilir. Faktla bağlı hüquq-mühafizə orqanları tərəfindən araşdırma aparılır.

Hadisə anının görüntülərini təqdim edirik:

Namiq Musayev