Novxanıda qadın sürücü yolu keçən piyadaları vurdu - VİDEO

Abşeron rayonunun Novxanı qəsəbəsində iki piyadanın xəsarət alması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə iyulun 29-da səhər saatlarında qeydə alınıb.

Belə ki, hərəkətdə olan “Nissan” markalı avtomobil yolu keçmək istəyən kişi və qadını vurub. Zərbənin təsirindən hər iki piyada yolun hərəkət hissəsinə yıxılıb.

Hadisə nəticəsində piyadalar müxtəlif dərəcəli bədən xəsarətləri alıblar. Əraziyə çağırılan təcili tibbi yardım briqadası tərəfindən yaralılara hadisə yerində ilkin tibbi yardım göstərilib.

İlkin məlumata görə, qəzaya avtomobili idarə edən qadın sürücünün yaşayış zonasından əsas yola çıxarkən piyadaları görüb səhvən əyləc əvəzinə qaz pedalını basması səbəb olub.

Qeyd edək ki, sürücü döngələrdə piyadalara yol verməlidir. Belə ərazilərdə, hətta piyada keçidi olmadıqda belə, sürücü piyadaların hərəkətinə maneə yaratmamalı və onların təhlükəsiz keçidini təmin etməlidir.

Nərmin