Qaydaları pozan sürücü avtomobillə kafeyə girdi – 2 nəfər ağır xəsarət aldı - VİDEO

Şəhərin mərkəzində yol hərəkəti qaydalarını kobud şəkildə pozan sürücü, yüksək sürətlə idarə etdiyi avtomobillə kafeyə çırpılıb. Avtosfer.az xəbər verir ki, Özbəkistanda baş verən hadisə anbaan müşahidə kameralarına düşüb.

Belə ki, işıqforun qırmızı siqnalına məhəl qoymayaraq yüksək sürətlə yolayrıcına daxil olan sürücü sükana nəzarəti itirib. Bundan sonra idarəetmədən çıxan nəqliyyat vasitəsi birbaşa yol kənarındakı kafeyə dəyib.

Zərbənin gücündən kafenin şüşə vitrinləri və daxili interyeri yararsız vəziyyətə düşüb. Hadisə nəticəsində obyektin iki əməkdaşı ağır bədən xəsarəti alıb. Yaralılar dərhal xəstəxanaya çatdırılıb və reanimasiya şöbəsinə yerləşdiriliblər. Həkimlər onların vəziyyətini ağır olaraq qiymətləndirirlər.

Faktla bağlı hüquq-mühafizə orqanları tərəfindən təhqiqat başladılıb.

Sözügedən hadisənin anbaan görüntülərini təqdim edirik:

Namiq Musayev