Qəbələdə turistlər çay kənarını zibilləməyə davam edir - İyrənc mənzərə - VİDEO

Ölkəmizdə havaların isinməsi ilə əhalinin bir qisminin istirahət zonalarına üzt tutmasına, yollarda və yaşıllıq zonalarda sıxlığın yaranması ilə nəticələnir. Bu da özü ilə dolayı yolla başqa problemlərə səbəb olur. Qəbələ də istirahət zonası kimi tanınan gözəl rayonlarından biridir.
Avtosfer.az xəbər verir ki, rayon ərazisi daha çox yay aylarında yerli sakinlər və turistlər üçün ən sevilən istirahət məkanlarından birinə çevrilir. İnsanlar bu bölgəyə istirahət məqsədilə axın edir, ailəvi pikniklər keçirir, yeyib-içirlər. Saytımızın sosial şəbəkə hesabına video göndərən vətəndaş deyir ki, laza kəndi yaxınlığındakı çay kənarı isə mədəni istirahətdən məhrum qalıb.
Bəzi vətəndaşlar təbiətə qarşı məsuliyyətsiz davranaraq tullantılarını, plastik butulkaları, yeyinti paketlərini, birdəfəlik qab-qacaq və digər qalıqları olduğu kimi yerində qoyaraq ərazini tərk edirlər. Nəticədə, çay kənarı həm görüntü baxımından, həm də ekoloji cəhətdən zərər görür. Sakinlər də bu vəziyyətdən narahatdırlar onlar bildirirlər ki, bu mənzərəni turistlər deyil məhz öz vətəndaşlarımız edir.
Həmin videonu sizə təqdim edirik:

Fidan