Şəhərin mərkəzi küçəsində bu yol nişanları sürücülərin diqqətini yayındırır - VİDEO

Qəbələ rayonunda sürücülərin diqqətinə səbəb olan maraqlı vəziyyət qeydə alınıb.
Avtosfer.az xəbər verir ki, Xalid Qasımov və İsmayıl bəy Qutqaşınlı küçələrinin kəsişməsində “Yol ver” nişanı quraşdırılıb. Problem ondadır ki, eyni nişandan arxa-arxaya iki ədəd yerləşdirilib.
Sürücülərin sözlərinə görə, bu hal yol hərəkətində çaşqınlıq yaradır. Bəzi sürücülər düşünür ki, bəlkə də ərazidə xüsusi bir məhdudiyyət və ya əlavə tələb mövcuddur. Halbuki, əslində belə bir tələb nəzərdə tutulmur.

Bildiyimiz kimi yol nişanlarının düzgün və anlaşılan formada yerləşdirilməsi sürücülərin təhlükəsizliyi üçün vacibdir. Eyni nişanın iki dəfə təkrarlanması isə həm yol hərəkəti mədəniyyətinə ziddir, həm də sürücülərinin diqqətinin yayınmasına gətirib çıxarır.

Fidan