Şəhərin mərkəzi küçəsinin ortasında konsert - VELOSİPED ZOLAĞI VƏ SƏKİ ZƏBT EDİLDİ - VİDEO

Bakı şəhəri Səbail rayonunda keçirilən açıq hava konserti narazılığa səbəb olub.

Avtosfer.az xəbər verir ki, konserti təşkil edən “İva Restaurant” adlı iaşə obyekti ərazidə yenicə təşkil olunan velosiped zolağını tamamilə zəbt edib və həm velosiped, həm də skuter sürücülərinin hərəkətinə mane olub.

Əziz Əliyev küçəsində keçirilən partidə xeyli sayda insan iştirak edib, bu isə həm piyadaların, həm də velosiped sürücülərinin hərəkətində çətinliklər yaradıb. Sakinlər və xüsusilə yüngül nəqliyyat vasitələri bu vəziyyətdən narazılıq edərək məsuliyyətli qurumlardan tədbir görülməsini tələb edirlər.

Əldə etdiyimiz məlumata görə, restoran eyni konsertdən bu həftə üçün də keçirilməsini planlaşdırır. Qanunvericiliyə əsasən, velosiped zolaqlarının, eləcə də səkilərin zəbt olunması inzibati xəta hesab olunur və cərimə ilə nəticələnir.

Fidan