Sərhəddən buraxılmayan avtomobilin sahibi maşını yandırdı - VİDEO

Mühərrikində yaranan nasazlıq səbəbindən sərhəddən buraxılmayan avtomobilin sahibi tərəfindən yandırılıb. Avtosfer.az xəbər verir ki, hadisə Türkiyənin Kocaeli bölgəsində baş verib.

Məlumata görə, Bolqarıstan nömrəli avtomobillə Türkiyəyə daxil olan şəxs mühərrikində nasazlıq yarandıqdan sonra avtomobili geri qaytarmaq istəyib. Lakin Bolqarıstan gömrükçüləri işlək vəziyyətdə olmayan avtomobili qəbul etməkdən imtina ediblər.

Həmin şəxs daha sonra avtomobilini boş sahəyə sürüb və üzərinə benzin tökərək yandırıb. Ətrafdakıların xəbərdarlığından sonra hadisə yerinə yanğınsöndürənlər və polis göndərilib. Yanğınsöndürənlər alovu qısa müddətdə söndürüblər. Avtomobilini yandıran şəxs ifadəsində bu vəziyyətdən əsəbiləşdiyini və onu yandırmaq qərarına gəldiyini bildirib.

Hadisə ilə bağlı araşdırmalara başlanılıb.

Namiq Musayev