Sərxoş sərnişin avtobusun şüşəsini sındırıb qaçdı; polis araşdırmalara başladı - FOTO - VİDEO

Bakıda sərxoş vəziyyətdə marşrut avtobusunun şüşəsini sındıran şəxsin saxlanılması istiqamətində işlər görülür.

Avtosfer.az oxu.az-a istinadən xəbər verir ki, polis əməkdaşları tərəfindən həmin şəxsin şəxsiyyəti müəyyən olunub. Saxlanılması üçün tədbirlər görülür.

***11:06

Bakıda ictimai nəqliyyatda xuliqanlıq hadisəsi baş verib.

Avtosfer.az xəbər verir ki, mayın 17-si saat 22:25 radələrində sərxoş vəziyyətdə olan sərnişin 65 saylı marşrut avtobusunun şüşəsini sındırıb. Belə ki, orta yaşlı şəxs avtobus Yasamal rayonu Tbilisi prospektində hərəkətdə olarkən qapıya yaxınlaşaraq nəqliyyat vasitəsinin dayanmasını tələb edib və şüşəni sındırıb.

Həmin şəxs avtobusdan düşərək heç nə olmamış kimi yoluna davam edib.

Məsələ ilə bağlı DİN-in “102” xidmətinə məlumat verilib. Faktla bağlı Yasamal RPİ-nin 27-ci Polis Bölməsində araşdırma aparılır.

Hadisə anının görüntülərini təqdim edirik: