Sükan arxasında mobil telefondan istifadə ölüm gətirir - DİN-dən VİDEO

Son dövrlər sükan arxasında mobil telefondan istifadə edən sürücülərin sayı artmaqdadır. Bu isə bir çox hallarda yol-nəqliyyat hadisələrinin baş verməsinə səbəb olur.

Avtosfer.az xəbər verir ki, məsələni diqqətə alaraq Daxili İşlər Nazirliyinin Nəqliyyatın İntellektual İdarəetmə Mərkəzi sürücülər üçün maarifləndirici sosial çarx hazırlayıb.

Çarxda əsas mesaj kimi sükan arxasında mobil telefondan istifadə etməyin təhlükəli olduğu və bunun həm sürücünün, həm də digər yol hərəkəti iştirakçılarının həyatını riskə atdığı vurğulanır.

Sosial çarx cəmiyyətə, xüsusilə də sürücülərə çağırış edir ki, yola və hərəkətə diqqəti yayındıran amillərdən uzaq olsunlar. Yalnız bu halda yollarda təhlükəsizliyi təmin etmək mümkündür.

Avtosfer.az sözügedən videoçarxı təqdim edir.

Eltac Zülfüqaroğlu