Svetofor işləyir amma qırmızı işığı yanmır - Hər an qəza ola bilər - VİDEO

Maştağada sürücülər üçün təhlükə: Svetoforun qırmızı işığı “yoxa çıxıb”

Sabunçu rayonu Maştağa qəsəbəsində sürücüləri çaşdıran təhlükəli vəziyyət yaranıb. Svetoforun qırmızı rejimində işıq söndüyü üçün yolayrıcında qəza riski yaranır.

Avtosfer.az xəbər verir ki, söhbət Mehdi Hüseynzadə küçəsində yerləşən svetofor obyektindən gedir.

Belə ki, svetofor yaşıl işıqdan qırmızıya keçdikdə qırmızı siqnal yanmır və işıqfor sanki tamamilə sönmüş kimi görünür.

Ən təhlükəli məqam isə digər istiqamətdə hərəkət edən nəqliyyat vasitələrinə yaşıl işıq yandığı üçün yarana bilər. Svetoforun işləmədiyini düşünən sürücülər yolayrıcına daxil olaraq digər istiqamətdən gələn avtomobillərlə toqquşa bilər.

Svetoforun bu vəziyyətdə olması həm sürücülər, həm də piyadalar üçün ciddi təhlükə yaradır.

Sözügedən videonu təqdim edirik.

Fərid