Svetofora məhəl qoymayan qadını maşın vurub öldürdü - VİDEO

Qayda pozan piyada avtomobil vurması nəticəsində dünyasını dəyişib. Avtosfer.az xəbər verir ki, Rusiyanın Ulan-Ude şəhərində baş verən hadisə ərazidəki təhlükəsizlik kamerası tərəfindən anbaan qeydə alınıb. Görüntülərdən məlum olur ki, piyada keçidinə yaxınlaşan qadın qəfil sürətlə hərəkət edərək işıqforun qırmızı işığında yolu qaçaraq keçməyə cəhd edib. Bu zaman o, yüksək sürətlə gələn avtomobilin qarşısına çıxıb.
Yaxın məsafədən qarşısına piyada çıxan sürücü avtomobili saxlamağa macal tapmayıb. Güclü zərbənin təsirindən qadın bir neçə metr kənara atılıb. Hadisə yerinə dərhal təcili tibbi yardım briqadası çağırılsa da, piyada aldığı ağır xəsarətlərdən həyatını itirib. Hazırda faktla bağlı hüquq-mühafizə orqanları tərəfindən araşdırma aparılır.
Sözügedən hadisənin görüntülərini təqdim edirik:

Namiq Musayev