Taksi sürücüsü sifarişdən narazılıq etdi: “Gənclik”dən Qobustana 28 manat məbləğ hesablanıb - VİDEO

Paytaxtda həm maraqlı, həm də bir qədər qəribə hadisə baş verib.

Avtosfer.az xəbər verir ki, bir taksi sürücüsü tətbiq vasitəsilə aldığı sifarişdən sonra yaşadıqlarını sosial şəbəkədə paylaşaraq diqqət çəkib.

Sürücü bildirib ki, sifariş “Gənclik” metrosundan Qobustan rayonu istiqamətində 28 manat məbləğində olub. Lakin ünvana çatdıqda, ərazinin harada yerləşdiyi məlum olmayıb. O, paylaşımında zarafatla qeyd edib: “Yolda sadəcə mən, müştəri və iki-üç inək var.”

Hadisə sosial şəbəkə istifadəçiləri tərəfindən gülüş və maraqla qarşılanıb. Bir çoxları sürücünün vəziyyətinə yumorla yanaşaraq şərhlər yazıblar.
Bəzi izləyicilər isə qeyd ediblər ki, taksi tətbiqlərində bəzən ünvanların düzgün qeyd olunmaması sürücülər üçün ciddi problem yaradır. Bu hadisə də həmin problemlərin real nümunələrindən biri kimi qiymətləndirilib.

Eltac Zülfüqaroğlu