Azərbaycanda qəza törədən əcnəbilərlə bağlı sığorta ödənişlərinin həcmi açıqlanıb

İcbari Sığorta Bürosu cari ilin 11 ayında Yaşıl Kart Sistemində xaricdə baş vermiş yol-nəqliyyat hadisələrinə görə 531 min manata yaxın ödəniş həyata keçirib.

Avtosfer.az xəbər verir ki, bu barədə İSB-dən bildirilib. Məlumata görə, xarici vətəndaşların ölkə ərazisində törətdiyi sığorta hadisələrinə görə isə 95 min manatdan artıq ödəniş həyata keçirilib.

Qeyd edilib ki, xaricdə baş verən hadisələr üzrə ən böyük ödəniş Almaniya ərazisində qeydə alınıb və 31.586,37 manat təşkil edib. Xarici vətəndaşların iştirakı ilə Azərbaycan ərazində baş vermiş hadisələr üzrə ən böyük ödəniş isə 23 min manat olmaqla Rusiyanın payına düşür.

apa